منه
وليد
الام
يارا
يمني
المديرة
الدكتور
منه..حاسة اني تعبانة النهاردة ومش قادرة اكمل اليوم
يارا..مالك انتي مكلتيش
منه..لاء فطرت بس مش عارفة كده تعبانه ومش قادرة اقف علي رجلي
يمني ..تعالي ننزل عند الحكيمة تديلك اي حاجة ولا تشوف فيه ايه
منه..لاء مش هقدر انا هرن علي وليد يستناني بره المدرسة
احنا في اخر حصة هانت
يارا
..انتي لسه ماشية مع وليد
منه:اه دا صاحبي وجاري فيه ايه
يمني:طب مش خايفة من اهلك
منه:هي ماما فضيالي
ماما فاضية لجوزها واخواتي الصغيرين ومش بتسأل عني
يارا:يمكن علشان انتي كبيرة
منه:انا عندي١٤سنه محتاجة منها اهتمام
دي حتي مبتسألنيش اتأخرتي ليه
ف عادي اعمل اللي انا عايزاه
يمني:بس معرفتك بالشاب دا اخرته وحشة
منه:هو ايه اللي حلو في حياتي
بابا سايبني ومتجوز ومشغول في حياته وماما اتجوزت ومشغوله في حياتها
اعمل انا ايه وليد هو الانسان الوحيد اللي حسسني بالاهتمام
اللي افتقدته
انا كمان بحس اني غريبة في وسط عيلتي بحسها مش عيلتي
وبفكر اروح اعيش مع جدتي احسنلي بدل تحكم جوز امي في الطلعة والنازلة
يارا:يعني بيهتم اهو
منه:يا بنتي دا بيرخم عليا علشان اسيب البيت
هو مضايق من وجودي معاهم
وسمعته قبل كده بيقول لماما بنتك تروح تعيش مع ابوها احسن
يمني:يا عيني عليكي يا منه انتي صعبانة عليا
بس المهم ابعدي عن اللي اسمه وليد دا
جرس المدرسة ترن ترن
منه طب يلا باي بقا نكمل بكرة
يارا ويمني باي
منه….وليد اتأخر كدا ليه اممممم
اهو هناك
وليد:ازيك يا قلبي
منه:حبيبي اتأخرت ليه
وليد:متأخرتش ولا حاجة
منه:انا تعبانة النهاردة اوي
وليد:من ايه يا قلبي يعني مش هنروح الشقة النهاردة
منه:اممممم لاء طبعا هنروح
وليد:ايوة كدا
منه:بس مش هطول
وليد:ليه ؟
منه: جوز امي واقفلي ع الواحدة
وليد:ييييييه ايه الراجل السمج دا
منه:انا بفكر اعيش مع جدتي ام بابا
وليد:احسن حاجة يا قلبي اهو اقدر اشوفكب راحتي
منه:يعني انت مبتشوفنيش ما انا معاك اهو
لاء يا بنتي عايزاك معايا علي طول اصلا انتي في قلبي(تصنع)
منه :ااااه(مصدقة)
وليد:ايه في ايه
منه:حاسة بدوخة
وليد :ودا وقته
منه:مش قادرة وديني المستشفي بسرعة
وليد:طب اركبي الموتوسيكل دا فوريرة
تم حجز تذكرة المستشفي ودخول منه للكشف
الدكتور:حاسة بايه
منه:عندي دوخة ومش قادرة اوقف وحاسة اني مش طايقة الاكل
وحاسة بوجع في بطني
الدكتور:مبروك انتي حامل
منه:ايه(بحسرةوخوف)
وليد:يا نهار إسود
الدكتور:هو انتوا مش متجوزين
وليد:امممم يلا اومي
منه:طب اصبر متشدش ايدي كده
وليد:ودا ايه بقا احنا متفقناش علي كده
منه :علي ايه هو انا كنت اعرف انا اتفاجأت زي زيك
وليد: ودا من ايه
منه:نععععم(بخوف وقلق)
منك ولا هتنكر
وليد:لاء يا قلبي مقدرش انكر بس احنا لسه صغيرين عايزين نعيش حياتنا
وبعدين انتي لسه صغيرة معقوله بيبي تخلف بيبي (دحلاب)
منه:معاك حق
وليد: يلا يا قلبي اروحكالبيت ومتنسيش تشوفيلك حل
منه:يعني اعمل ايه
وليد:تنزلي الحمل دا باي طريقة
منه:ما انا مش عارفة ازاي
وليد:اللي تعرف تتجوز عرفي من ورا اهلها تعرف تنزل الحمل يا منتي
منه:بخوف حاضر
اليوم الثاني بالمدرسة
منه:ازيكوا يا بنات عاملين ايه وحشتوني
يارا:اخبارك ايه يا منه
يمني:منونة ازيك
منه:انا كويسة بس
انا حامل
يمني:ايييييه
يارا:انتي ايه حامل
يخربيتك يا منه
منه:ما وليد قالي انزله
يارا:وليد ربنا ينتقم منه
منه:متدعيش عليه
ذهبت يارا مسرعة للمديرة
يا مس يا مس منه حامل
المديرة:ايه
تعالي معايا
فين هي
شاوري عليها
يارا:اهي يا مس
المديرة :تعالي
انتي بتقولي لزميلاتك انك حامل
ازاي
منه:انا متجوزة يا مس
المديرة:واهلك عارفين
منه:لا
المديرة:نهارك اسود ،ويبقي جواز ازاي
منه:عرفي
المديرة:اه والورقة معاكي
منه:لا مع وليد
المديرةودا بقا اللي ضحك عليكي وفهمك ان دا جواز
دا مش جواز دا واحد خثيث مش متربي ضحك عليكي واستغل صغر سنك
منه:لا يا مس دا بيحبني اكتر من اهلي
المديرة:حب ايه في السن دا
انتي دورتي ع الحنان اللي مفتقداه وهو استغل سذاجتك
انتي تستحقي الضرب تك تك بالقلم علي الوش
منه:بكاءهستيري
انا عايزة وليد
المديرة :رقم ابوكي فين
منه:بابامش هيرد
المديرة:فين رقمك والدتك
فين ….
منه:اهو
المديرة:ممكن تحضري لمدرسة بنتك حالا
الام:ليه خير
المديرة:امر خطير
الام:يا ساتر يارب
طيب انا جاية مسافة السكة..
الام :يا تري في ايه عملتي ايه يا منه
لتكون سقطت في الامتحان طب وايه يعني (استهتار)
السلام عليكم
المديرة:استلمي بنتك
بتقول انها حامل
الام:يا واطية منين وحمل ايه دا في سنك
قوليلي من ضحك عليكي بعصبية شديدة وثورة غضب
منه:من وليد
الام:وليد مين يا بت
منه:جارنا ابن طنط سوسن
الام:تعااااالي وجرت الام بنتها من شعرها
يلا نروح المستشفي اشوف ايه اللي بتقوليه دا
حمل حمل ايه
ربنا ينتقم منك يا شيخة فضحتيني اودي وشي من الناس فين
منه:ببكاء شديد انتوا السبب انتي وبابا سبتوني واهملتوني
وليد هو اللي كان بيعاملني كويس
الام:يلا يا غبية لو اهملناكي تبيعي نفسك بالرخيص
ااااااااه يا وجع قلبي
