امشير..انا مش مصدق نفسي والله مليون و٢٠٠الف كل دي مشاهدات
يا دين النبي ..انا كنت واثق اني هوصل وهتشهر
زلطة..الواد امشير اتغر وهيشوف نفسه علينا(بصوت منخغض يتخلله الحقد والغيرة)
زلطة:مبروك يا امشير
امشير:الله يبارك فيك يا زلطة
زلطة:عقبال نجاح الاغنية التانية
بعجر:كلماتها جاهزة
امشير:يا جماعة انتوا مستعجلين علي ايه مش لمل نحتفل بنجاح الاغنية بتاعتناالاول
وكمان انا جالي مكالمة من مذيعة في قناة الحدث عايزة تعمل معايا لقاء
زلطة:ابسط يا عم الشهرة في ديلك
امشير:في ديلي ما ترقي الفاظك يا زلطة
انا مش عارف انت بتلحن ازاي
زلطة:انتي هتتغير علينا ولا ايه لحني دا هو اللي وصلك لكل المشاهدات دي
ولولاي مكنتش عرفت طعم الشهرة
امشير:ايه السواد اللي في قلبك دا انا افتكرتك نسيت العلقة بتاعة زمان
زلطة:وضع ايده علي رقبته وقال بغباء
لاء عمري ما نسيت ضربك ليا يا غبي
امشير:انا عمري ما كنت غبي الا مع الغبي اللي زيك
شوف انت جواك حقد وغل من ناحيتي وطول عمرك بتغير مني
حتي لما كنت بلبس طقم جديد كنت بتغير ومبترتاحش الا لما تروح تشتري زيه
وياريت بيطلع حلو عليك
زلطة:قصدك ايه انا بغير منك
امشير:لا مقصديش
زلطة:تصدق اني غلطان لما سمعت كلام بعجر ولحنت الاغنية كنت اسيبك تلوص
امشير:لا يا راجل الوص
الملحنين علي قفا مين يشيل
انت بس اللي مغرور يا عم انت روحت ولا جيبت حتة بريستا
زلطة:حتة بريستا وانت بقا ايه وزير السكة الحديد
ما انت سواق توكتوك لا روحت ولا جيت
امشير:لا روحت وجيت وبقيت فنان اد الدنيا
زلطة:هههههههه من حتة اغنية بقيت فنان
وانا السبب في نجاحك
بعجر….بس بس انتوا بجد شوية عيال انتوا بتتكلموا في دفاتر الماضي هو
انتوا صغيرين اما انتوا صحيح شوية عيال!
بدل ما تفرحوا بنجاح الاغنية ونفكر في الجاي وعالم الشهرة والمجد
امشير:بجد فصلتني يا عم زلطة..انا ماشي
بعجر:طب استنه هنتقابل بليل
امشير:اممممم لما اشوف ظروفي
سلام
بعجر..يلوم زلطة في ايه يا عم زلطة ايه الكلام اللي قولته دا
زلطة:يعني مسمعتش كلامه اللي زي السم
بعجر:يا عم انتوا كبرتوا كفاية بقا وتعال نفكر في الموني
والشهرة اللي بجد شغلنا مع امشير هيجبلنا السعد
زلطة:اه السعد والهنا(بتريقة)
بعجر:اقسم بالله انت نكدي
دي الاغنية بتاعتنا عاملة مشاهدات كتير يعني هنقبض بالدولار
انت تروح
كدا وبالليل نتقابل
زلطة:طيب سلام يا بعجر
امشير..دخل البيت امي حبيبتي ونور عيني
الام..خير يا امشير
امشير:الاغنية كسرت الدنيا
الام..اغنية ايه
امشير..زعااااابيب امشير
فاطمة هههه مبروك يا امشير انا سمعتها بجد الف مبروك
ايمن..مبروك يا فنان
والله وهتتشهر!
امشير… الله يبارك فيكوا
الام..ما تسمعني كدا الاغنية دي
امشير..اممم اهي حد مشغلها بره اهي سامعه
الام..اي والله يا ولا هو دا صوتك
امشير ..اومال صوت الجيران
ايمن يا ماما دي بتبقي هندسة صوتية ومزيكا وحاجات تانية
بتحسن الصوت وجودته
امشير..قصدك ان صوتي وحش
ايمن..لاء طبعا يا امشير قصدي ان الهندسة الصوتية دي مهمة لتحسين اي صوت
مبروك يا اخويا
امشير… الله يبارك فيك
علشان كدا هنحتفل النهاردة عاملكوا حافلة حلوة اوي في نادي الصحبجية
بمناسبة نجاح الاغنية وبكرة هسجل من قناة الحدث واتكلم عن الاغنية ونجاحها
الام..يا حلاوة يا ولاد والله وهتتشهر يا امشير !
امشير.. اتشهرت يا اما واغنيتي بقت تريند
انتي مش سامعه شغاله اهي في الشارع
فاطمة..مبروووك يا امشير انا بقا عاوزة طقم جديد للحفلة
امشير بس كدا من عنيا ولايمن ولامي احلي طقم
الام..وفر فلوسك يا بني
امشير خلينا نفرح ونهيص
يلا بقا اسيبكم دلوقتي واجي الاقيكوا جاهزين ع الميعاد الساعة٩
فاطمة ،ايمن …
ان شاء الله مع السلامة يا فنان
الام..ربنا يسعدك يا بني
امشير..يارب يلا سلام
