ميرنابطلة القصة
لينا صديقة البطلة
الاب
الام
الدكتور
الام..البنت خرجت بقالها ٣ساعات ولسه مرجعتش
استر يا رب
يا تري يا ميرنا اتأخرتي ليه
يارب طمني عليها قلبي متوغوش اوي
وحاسة ان في حاجة وحشة حصلت
لازم اتصل بابوها
الو يا عبدالله ميرنا راحت الدرس وبعدها اتصلت وقال هتروح عند صاحبتها وفات ٣ساعات
الاب..اصبري شوية لو اتأخرت عن كده هعمل اللازم
الام ..التليفون مغلق كمان يا ميرنا ليلة سودة
يا تري قافلة التليفون ليه
ميرنا …انا لازم امشي بقا يا لينا اتاخرت والتليفون فاصل شحن
وماما هتزعقلي
لينا.. لازم تشربي حاجة الاول
انا هعملك كوباية عصير برتقان انما ايه هيعجبك
ميرنا…مرة تانية معلش
لينا…لا هزعل بجد
مجتش يعني علي ١٠دقايق كمان
ميرنا ..اوك
لينا ..اه لو العصير دا قضي عليكي ناوية اعمل حفلة كبيرة
واعزم كل اصحابي وحبايبي وسي ايهاب اللي فضلك عليا
وعايز يخطبك بعد ما نخلص امتحانات الثانوية
لا يمكن اسيبه يتهنا بيكي ابدا
هو انتي احسن مني في ايه
علشان يرفضني ويقولي لا
اصلي انا بحب ميرنا
طب ما انا بحبه
واحلي منها
مش عارفة هي فيها ايه عدل
ايه اللي عجبه فيكي
والله لضيعك
واشوف بقا هو هيعمل ايه
سي ايهاب دا كمان
وهتخطب لواحد احسن منه واغيظه
يييييييه انا نسيتها قعدة بره
وكل التأخير دا علشان انفذ الخطة بتاعتي
اتفضلي يا قمر العصير
ميرنا…كل دا بتعملي عصير
لينا ..دا هما خمس دقايق
ميرنا…يا لينا انا متاخرة علي ماما
وخايفة تزعل مني علي تأخيري دا
لينا..طب خلاص خلاص
اشربي العصير وانزلي
ميرنا…امممم اهو يا ستي
ارتاحتي ممكن انزل بقا
لينا..اتفضلي اه اوعي تنسي كلميني اول ما توصلي
الاب….ترن ترن
الام ايوة يا عبدالله
الاب…ميرنا رجعت
الام…استنا كدا في حد طالع ع السلم
الام …انتي جيتي يا مقصوفة الرقبة
ميرنا …اسفة يا ماما والله غصب عني
الام…بنتك رجعت يا عبد الله
الاب ..الحمد لله
قوليلها..بابا هيجبلك اللب اللي طلبتيه
الام ..دلعك فيها دا هو اللي هيفسدها
الاب…دلع ايه بس يا فوزية
يلا سلام عشان اشوف شغلي
الام..مع السلامة
ميرنا ااااااااااه
بطني..بطني اااااه
الحقيني يا ماما
الام….بلهفة وخوف
مالك يا ميرنا فيكي ايه
ميرنا…سكاكين بتقطع في بطني يا ماما
هي هي
الام…هي مين
ميرنا..اه العصير اللي بصوت متقطع
الام….هطلب الاسعاف حالا
ميرنا….مش هيلحق يا ماما
الام …بتقولي ايه(باستغراب)
اهم جم
تم نقل ميرنا علي المستشفي في الحال
الدكتور…البقاء لله
الام…ايه في مين
انت بتقول ايه
الدكتور… البنت توفت واضح انها حالة تسمم
الام…تسمم ايه
الام…..الو وهي بتبكي
بنتك ماتت يا عبد الله
الاب…بنتي مين
انتي بتقولي ايه
انتي مين يا ست
الام انا مراتك
بنتك ماتت
في المستشفي
الاب انا جاي حالا
الم اااااااه يا تعب السنين
يا قلب حزين وشايل الهم والغم والانين
اااااه يا ميرنا
الاب ….يجري ويتسائل في ايه
الدكتور واضح ان دي حالة تسمم
وهنتأكد من دا اثناء التشريح
الام…تشريح ايه
لا بنتي سبوها مقفوله زي ما ربنا خلقها
محدش يجي جمبها
الدكتور…لازم يا مدام دي شبه جنائية
لو لازم تجيبوا صاحبتها هي اللي عارفه كل حاجة
والسر عندها
الدكتور وقت التحقيق هيتم بعد تشريح الحثة
الام…ااااه
الاب…ميرنا بصوت مدوي
حق بنتي محدش هيجيبه الا ربنا
ربنا وحده عالم مين اللي اذاها وضرها
ربنا وحده عنده خلاص الحق
الام..حسبنا الله ونعم الوكيل
حسبنا الله ونعم الوكيل
فوضت الامر ليك يا رب
تجىب حق بنتي من اللي اذتها وكانت السبب في موتها
