كتبت :شرين ابو العنيين
بقيت مشهور لاء ولسه ياما هاجي في التليفزيون
ياسلام علي الاحساس دا مش قادر اوصف اد ايه انا فرحان
بقا انا سواق التوكتوك ابقي مغني واجي في التليفزيون والناس تشاور عليا
ويغنو اغنيتي
وماله هي جت عليا يا ما ناس صوتها نيلة واتشهرت و عملت ملايين
هي جت عليا يالا الحمد لله وعرض حفلة دبي دا كان مفاجأة جميلة
اه هروح دبي يا سلام
هعيش الدور ولا اتصرف بطبعتي
اممممم انا شايف اخليني زي ما انا امشير الشاب البسيط المتواضع
يعني لو اتغريت هستفيد حب الناس اكيد لا
بس برضه احساس المجد بيغري الواحد وانا عايز اعيش الدور
اممم لا بلاش
يا سلام عليا وعلي افكاري بس الفيديو ع اليوتيوب عامل مشاهدات جامدة
اه يا سلام لو كله من دا هوصل في ظرف سنه وابقي مليونير
مليونير مليونير نفسي ابقي مليونير
فاطمة: امشير يا امشير هو انت نسيت العزومة ولا ايه
امشير:لا يا بطة بس حالي شغل وهعوضك باحسن منها ان شاء الله
فاطمة:ربنا يوفقك يا خويا
امشير:ايوة كدا ادعيلي بقا
ترن ترن ترن
امشير:الو
متعهد حفلات:استاذ امشير انا متعهد الحفلات بالوطن العربي
جاهز تسافر بكرة علشان ن عد للبروفات في حفلة دبي
امشير:يا اهلا وسهلا جاهز يا باشا
متعهد الحفلات:تمام يا فنان بكرة الصبح العربية هتكون الساعة ٧ادام البيت
امشير: تمام يا باشا انا جاهز من دلوقتي لو حبيت
متعهد الحفلات: بكرة هكون في انتظارك
امشير:مع السلامة يا باشا
فاطمة يا فاطمة
جهزيلي الشنطة
فاطمة:حاضر يا امشير
مسافر علي فين يا فنان
امشير:دبي
فاطمة:ايه دا دبي دبي(باستغراب)
امشير:ايوة يا بت هو انا قليل
ايمن:انا سمعت دبي
ايه القصة بقا
امشير:تحب تسافر معايا يا ايمن
ايمن:دا بجد بقا اه يا عم امشير احب ونص كمان
هو انا كنت احلم بدبي اصلا
امشير:يبقا تمام بكرة الصبح نكون جاهزين
ايمن:تمام
الباب بيخبط
الام:يا امشير يا امشير كلم يا بني صحابك
بعجر وزلطة(صحاب الندامةبصوت منخفض)
امشير:ودول عايزين ايه بقا
طيب يا اما انا اجي اشوف عايزن ايه داهية تخدهم الاتنين
اصحاب العرر دول
اهلا اهلا يا فنانين
بعجر :اهلا بيك يا فنان كدا برضه تمشي وتقول عدولي
زلطة:سمعت انك كتبت عقد حفلة في دولة عربية
امشير:انا موجود اهو يا بعجر وتحت الامر
وسمعت من مين بقا يا زلطة
بعجر :بمناسبة نجاح اغنيتك انا جاي اعزمك علي سهرة انما ايه عجب
امشير: مش هينفع النهاردة يا بعجر
خليها لما ارجع من الحفلة
بعجر:ليه بس حد يأجل سهرة زي دي
دي هتكون سهرة علي كيفك يا فنان
امشير: والله يا بعجر غصب عني اسف بجد
لما ارجع يا عم يبقا ليا عندك سهرة
بعجر:طيب بشوقك
يا لا يا زلطة لاحسن نتأخر عالبنات
امشير:الا الا بنات كمان
زلطة:متفهمناش غلط يا امشير
امشير:(دا انتو الغلط نفسه بصوت منخفض)
بعجر وزلطة
تصبح علي خير يا فنان
بعجر الخطة باظت يا زلطة
والواد طلع ضقرم ومشربش الطعم
زلطة:خيرها في غيرها هيروح مننا فين
امشير:قلبي مش مطمن
ايمن :احذر منهم يا امشير شكلهم ناوينلك علي نية
امشير:ربنل يستر
يلا نروح ننام علشان الحفلة بكرة
يلل تصبح علي خير
ايمن:وانت من اهله يا خويا
تم السفر في صباح اليوم التالي
دخل المسؤل الخاص بحفلات دبي وعرض علي امشير شيك
و مبلغ كبير شرط لبس ملابس غريبة
امشير:شيك مبلغ نص مليون جنية يا سلام هي دي الحفلات
ايمن:شوف يا امشير اللبس اللي هتلبسه في الحفلة
امشير:ايه دا دا لبس دا ولا شبكة
لاي يمكن البس الهدوم دي
متعهد الحفلات:امشير لازم علشان تاخد المبلغ دا وتصرفه تلبس الهدوم دي
في الحفلة انت هنا تحت امرهم فاهم اللي يقولوا عليه يتنفذ
من غير كتر كلام
امشير:بس يا باشا اللبس دا هيطلعني لا مؤخذة ***
متعهد الحفلات:دا المطلوب لاما مفيش حفلة ومفيش شيك
وشوف بقا هتعمل ايه
امشير:ايه الحيرة دي بقا
طيب يا باشا هات الشيك
متعهد الحفلات :والهدوم قبل الشيك
وامضي العقد قبل الاستلام
امشير:اهو
فاطمة :ماما تعالي يلا نشوف امشير علي شاهد
الام:ايه دا يا امشير
هو مخدش معاه هدوم
يا دي الفضايح الواد طالع كدا ليه
بلبوص يا ولا ادام الناس
يا دي الفضايح
الناس هتاكل وشنا
يارب اروح فين واجي منين
الصبر من عندك يارب
دي اخرتها يا امشير اتعلقت بالغنا لحد ما فضحتنا
طب والسمعة يا امشير والناس هتقول علينا ايه يا بني
فاطمة :خلاص بقا يا ماما خلينا نسمعه وهو بيغني
الام:غنا ايه وزفت ايه
هي الناس هتركز في الغنا ولا علي منظره دا
اااه يا قلة التربية
فاطمة:ماما مالك
الام:مالي انتو راس مالي يا فاطمة ربتكو ع القيم والاخلاق
يجي في الاخر اخوكي يقلع عشان ايه شوية فلوس
الانسان لو باع كرامته خلاص بقا هيفضله ايه
بعجر وزلطة هاهاهاها
بعجر :شوف السوشيال ميديا كاتبين ايه
شتيمة بقا متنقية
والفاظ م اللي هيا يلا الواد امشير دا يستاهل
زلطة:شوفت بقا يا اسطي بعحر هرب من الخطة
راح للي احسن من خطتنا
الناس بتلعنه ازاي
بعجر:تصدق يا زلطة اللي حصل دا احسن١٠٠مرة من اللي كنا هنعمله فيه
يالا يستاهل
ايمن:واضح ان دي سياسة ممنهجة ضد القيم والمعتقدات
واستغلال الاصوات دي لهدم القيم عن طريقهم علشان تقلدهم الشباب
امشير:انا من جوايا جزين
مش عارف ازاي عملت كدا
وازاي رضيت البس لبس مكشوف زي دا
انا راجل يا ايمن
ايمن:عارف يا امشير المهم نرجع بلدنا وساعتها نفكرعلي مهلنا
امشير :انا مش هقدر ادخل الحارة تاني
انت تروح تجيب امك واختك وتوديهم ع الشقة الجديدة
ايمن:اللي تشوفه يا امشير
بس اول ما نوصل بالسلامة نشوف هنعمل ايه
واول حاجة تعملها تنزل اعتذار للناس وتقولهم انا اسف وحاجات من دي
اللي بتأثر علي العواطف والناس هتصدق واللي شتمك النهاردة هيتعاطف معاك بكرة
امشير..انا مش خايف من اي حد في الدنيا دي كلها الا امي
خايف علي زعلها هي ربتنا ع المباديء اجي انا احطم كل اللي هي عملته في ثانية
الام:امشير
امشير: تعالي يا اما ادخلي بيتك الجديد
الام:كدا يا امشير تعمل في نفسك كدا ليه
امشيرغصب عني يا امي
والله غصب عني
ومش هتكرر اوعدك
الام: تعالي في حضن امك يا حبيبي
مش هعيد وزيد في كلام قولته من سنين يا امشير
صاحب المباديء يا بني متصان
ولا يمكن يهين نفسه ابدا
ولا فلوس الدنيا تخليه يتنازل
حب نفسك يا بني
الفلوس لما تيجي تيجي بالكرامة
مش بالذل والمهانة
اوعي في يوم تقبل علي نفسك تطلع اراجوز
او تتشبه بحد وتقلع هدومك عشان شوية
ورق ولا تقول كلام عيب عشان الفلوس
هتهين نفسك هتتهان
هتقدرها هتتشال ع الراس يا بني
واذا كان الغنا فلوسه هتيجي بقلة الادب
بلاش منه خالص
بلا غنا بلا مهرجانات بلا قلة ادب
امشير:حاضر يا اما انا فهمت واتعلمت خلاص من الدرس
الام:تعرف يا امشير لما كنت سواق توكتوك مكنتش بخاف عليك
كنت عارفة ان قرشك حلال
دلوقتي مبقتش عارفة الفلوس دي حلال ولا حرام يا بني
هتغني كلمه حلوة ماشي
هتلتزم ادام الناس وتحترم نفسك قبل الناس ماشي
غير كدا هرجع البيت القديم بيت ابوك
اللي ربيتك فيه انت واخواتك
وساعتها هقولك حد الله بيني وبين الحرام
امشير:خلاص يا اما تقطيم فيا
انا تعبت والله ومش عارف عملت كدا ازاي
توبة نصوحة مش هعمل كدا تاني
بس الغنا دا في دمي يا ما
بنام واصحي عليه
بحبه زي ما بحب المسقعة اللي من ايدك يا ست الكل
الام:هههههه يحظك يا امشير
طول عمرك دمك زي الشربات
…………………………………..
بس برضو عشان ارضي عنك حلل فلوسك
واوعي تنسي الصدقة المخفية يا امشير
دي اللي هتنجيك يا بني
احنا كلنا مقصرين وربنا فاتح بابه لينا في اي وقت
فادخله يا بني من اي جهة لوقصرت في طريق تسد في طريق
تاني فهمت يا بني،واوعي تكون سبب لتفسد شاب امه تعبت في تربيته
لمجرد انه يوفك ويقلدك
خليك قدوة حسنه لغيرك
لبسك دا يكون بادب،خليك راجل
وكلامك يكون حلو ماطلعش العيبة من بقك
فاهم يا امشير دول نصايح امك الست اللي ربيتك
انت واخواتك بشقاها وتعبها لحد ما بقيتوا شباب زي الورد
فاهم يا بني
امشير:حاضر يا اما حاضر كل اللي تقولي عليه
وتسوفيه يمشي علي رقبتي…
