كانت مرة ايمان بتتكلم مع صاحبتها عن سنتها اللي خلعتها من سنة و مطلعتش
وكانت بتسبب ليها مشاكل كتير وخصوصا في المدرسة حاولت ايمان تتلاشي الحروف اللي مش بتعرف تنطقها غلط بس معرفتش ،فكان نطقها الغير صحيح بيسببلها احراج ادام زميلاتها في الفصل
وخاصة في حصة اللغة العربية فلما كانت بتنطق بعض الكلمات بطريقة مش صحيحة كان بعض من زميلاتها بيضحكوا عليها لحد ما عرفت مس مني واتصرفت تصرف ايجابي جدا
قالت مس مني ان كل واحد فينا متميز وفي نفس الوقت ناقصة حاجة ومش معني كده ان الشيء الناقص ده يضايقة او يخليه يكره اسلوب حياته احيانا النقص ده بيكون وقتي ومؤقت واحيانا بيكون جوه تفاصيلنا اللي اتولدنا بيها فمينفعش حد يترق علي حد او يسخر منه علي اي شيء مهما كان الشيء ده
وكل واحد لازم يشوف نفسه ناقصة ايه ويعدله ومينساش يحترم الغير
ربنا قال في كتابة لا يسخر قوم من قوم عسي ان يكونوا خيرا منهم
صدق الله العظيم
فاهمين يا بنات بالنسبة لزميلتكوا ايمان سنه اتخلعت ودا امر مؤقت يعني دي سنه لبنية لازم تتخلع علشان يطلع مكانها سنة دائمة احلي منها ودا كرم من ربنا علينا
ثانيا من الطبيعي ان ايمان هتنطق بعض الحروف بطريقة غير سليمة ليه بقا
لان في فراغ بين الاسنان وده بيسبب النطق الخاطيء لحروف معينه
وثالثا عاوزة اي بنت اتريقت عليها تتاسف لها حالا احنا هنا اخوات واصحاب
وزمايل فلازم يكون في احترام بينكم
اما بالنسبة للحروف اللي مش عارفة تنطقها صح وطبعا في بنات كتير بتنطق بعض الحروف بطريقة غلط
وانا مش هقول عليهم لكن هما عارفين نفسهم
نيجي بقا نتكلم علي حرف الثاء
قومي يا بسملة قوليلي ٣كلمات بحرف الثاء
بسملة:ثعلب’ثوم’ثوب
مس مني :شطورة
قومي يا تغريد قوليلي٣كلمات بحرف السنين
تغريد: سمكة،سمسم،سكر
مس مني برافو يا تغريد
شاايفين يا بنات الفرق بين الثاء والسين
ببساطة كدة حرف الثاء لازم طرف اللسان يلامس الاسنان العلوية
يلا نجرب كلنا مع بعض
ثلاثة ،ثواني،ثانية،يثرب،،ثوب،
اما بقا حرف السين فدا له نطق مختلف
شايفين بيتنطق ازاي سين بفرد شفايفي وانا بنطق السين وكأني بضحك
يلا نجرب مع بعض سامية،نسرين،سمسم،
لاحظتوا حاجة يا بنات وانا بنطق حرف السين بسمع صفير
عكس حرف الثاء يعني في فرق كبير في النطق والشكل
اما حرف الدال والذال فالفرق واضح جدا د من غير نقطة لكن ذ عليها نقطة
طب مين مش بيعرف يفرق بين حرف الزاي وحرف الذال
ياسمين: انا يا مس ساعات اكتب ذئب بالزاي لاني مش عارفة افرق بين الحرفين
مس مني:مين غير ياسمين
انا يا مس طب اقعدي يا مي حاضر هقولكواايه الفرق
حرف الزاي ودا شكله. ز
زي رمز،رموز،زرافة،زبيب
اما ذ زي ذئب،ذهب،ذيل
حرف الزاي شايفين يا بنات راس اللسان بتقرب من الثنايا العليا وانا بنطقة بس مش بتلمسها
يلا نجرب
زرافة،زينب،زيزي،زيت
اما الذال طرف لساني وضع بين الاسنان وانا بنطق الكلمة
يلا نجرب كلنا مع بعض
هاااا مذنب،ذنب،مذاق
وبكده يا يبنات اتعرفنا علي مخارج بعض الحروف والحصة الجاية هنكمل باقي الحروف المتشابه
