بقلم: شيرين ابو العنين
الطفلة مايا
الام الشابة(هبة)
الاب توفيق
الجدة
الو بابا حبيبي ازيك انا عايزة اشوفك
وحشتني اوي يا بابا
الاب:انتي كمان وحشتيني
الطفلة..الو بابا
(الام قاطعت البنت وقامت بغلق المكالمة)
انتي بتعملي ايه مش نبهت عليكي قبل كدا ممنوع تكلمي ابوكي
الطفلة:دا بابا وحشني اوي
الام:انسي ابوكي دا خالص
واياكي تتكلمي تاني عنه ادامي انتي فاهمة
الجدة:لية كده يا بنتي تكسري خاطر البنت ليه
ليه تحرميها من ابوها وهو عايش علي وش الدنيا
هبه:بعد كل اللي عملوا فيا يا ماما بتسألي
علشان اربية لازم احرمه من بنته
الجدة:والبنت ذنبها ايه
ابعدي بنتك عن انتقامك من ابوها
دي بنته ومن حقة يسمع صوتها ويكلمها وقت ما يحب ويشوفها كمان
حرام عليكي تحرميه منها
هبة:لاء مش حرام وواحدة بواحدة زي ما كان سلبي معايا وسايب امه تطيح فيا
يمين وشمال خليه يدوق بقا
دا مفيش يوم حسيت انه خايف علي زعلي
ودايما يقولي وايه يعني لما تشتمك دي ست كبيرة
هي امه كبيرة (بعصبية وزعيق) هي ٥٦سنه كبيرة دي ست قرشانه
كانت عملاني ملطشة ليها في الطلعة والنازلة
انا خرجت من الجوازة دي خسرانه كل حاجة
حتي عفشي خدتوا مني يبقا لازم انتقم منه واحرمه ميشوفش بنته
الجدة:فوضي امرك الي الله يا بنتي انتي لسه صغيرة واكيد هيتقدملك المناسب
بس بنتك ابعديها عن دايرة انتقامك
الام الشابة هبة:يووووووو بقا يا ماما
مايا (بتعيط)يا حبيبي يا بابا انا عايزة اشوفك
هبة:بطلي تعيطي فلقتيني… ابوكي دا انسان سلبي مبيحسش
لو كان بيحبك كان جابلك كل اللي نفسك فيه
مايا:انا عايزة بابا بس وموشعايزة حاجة الا بابا
هبة :امشي من وشي الساعة دي يا مايا وبطلي تزني علي دماغي
واياكي تتصلي بيه تاني
(جرس الموبايل رن)
هبه..الو مين
توفيق..انا طليقك يا مدام يا محترمة
بزمتك في ام بتخاف ربنا ..عايزة تحرم اب من بنته
ليه يا شيخة هو جرا ايه في الدنيا
هبه..بقا مغير النمرة وبتحاول تتصل بيا علشان تسمعني الكلمتين الخايبين
دول كنت فلحت وحفظت علي بيتك وبنتك
بدل ما تمرمطتنا وتخلينا ملطشة للي يسوي واللي ميسواش
توفيق:قصدك ايه بالكلام دا
هبه:اللي تفهمه بقا
انت عايز ايه
توفيق:عايز اشوف بنتي انتي منعاني اشوفها ليه
حطي كل خلافتنا في كفة لكن مايا ابعديها دي حتة مني
بلاش تحرميني منها
هبه..انت اللي عملت كدا..اشرب بقا
وقفلت الموبايل )
توفيق…بيتنهد تنهيدة الالم والفقد علي بعد ابنته
اه م الجواز وسنينه ،طب بنتي نفسي اخدها في حضني اعمل ايه
بس ..رضيت امي وخسرت بيتي وبنتي وامها ناوية تحرمني منها
حياتي باظت وبنتي بعيد عن حضني وامها عنيدة وحالفة تحرمني اني اشوفها
او حتي اسمع صوتها عارف اني غلطت لما اديت ودني لامي
وجيت علي مراتي اعمل ايه بس اصالح مراتي ورجعهاامي مش طايقة تسمع سيرتها
ولا حتي تشوفها وانا ذنبي ايه اتحرم من بنتي اااااه يا ريتني متجوزت
وعيشت في بيت عيلة كان يوم اسود وجه عليا بحرمااااني من بنتي
..اعمل ايه ؟!
العبرة
الرجل المسؤل عليه بالموازنة بين حبه لامه وحبه لزوجته
ولا ينصف طرف علي الاخر الا بالانصاف كي ينعم بحياة هانئة
