أمشير
الام
الاخ الاكبر ايمن
الاخت الصغري فاطمة
بعجر السمكري ومؤلف أغاني
أمشير سواق توكتوك
الاصحاب،زلطة،مقلاية،عجوة
اما اما
الام:خير يا أمشير داخل بزعابيبك ليه
امشير:زهقان ومش طايق نفسي
الام:ليه يا امشير
أمشير موهبتي مدفونة يا امه عاوزها تظهر للنور
الام :موهبة ايه يا امشير اللي مدفونة دي
أمشير:الغنا يا اما
الام:هو الجعير دا بتسميه موهبة يا ولا
أمشير:،كسري انتي في مقاديفي اشمعني ام شاكوش وبيكا
معملوش زيك ليه هما شجعوا ولادهم لحد ما وصلوا
الام:مين دول ياولا
ووصلوا فين
أمشير:وصلو للمجد يا اما
الام:مجد ايه دا اللي يا ولا اللي بتقول عليه
أمشير:قصدي الشهرة والفلوس يا اما الموني ،اللارجو
الام:ايه دا يا ولا لسانك اتعوج كدا ليه
انتي يا حبيب امك سواق توكتك اد الدنيا
امشير :سواااااق(بسخرية)واد الدنيا
يا اما انا نفسي اغني واعمل ترند زي اللي بيقول عامل نفسي مش داري كله باع مفيش شاري يااااااا الشيكات ممضية..
الام:قاطعته ترنج ايه يا ولا معندك في الدولاب ترنجين
وشيكات ايه اللي ممضية اوعي تكون مضيت حاجة يا امشير هتروح في داهية يا بني
أمشير:اسمه ترند يا امه يعني حاجة كدا بتعمل ضجة والناس تقلدها وهااااا زيطة
ويا سلام بقا لو كسبت هبقا المطرب أمشير دا انا بفكر اكلم بعجر
الام:سيب بعجر في حاله وابعده عن دماغك دي
فاطمة:دخلت،وكانت متابعة الحوار يا ماما هو وبعجر دماغهم فكة
أمشير:احسن ما بقا دمي تقيل
فاطمة :انتي دمك خفيف يا امشير بس بلاش تقلد
التقليد دا اعمي
امشير:ههههههه مين قالك انه اعمي دا مفتح اهو حتي اسمعي الحته دي
ايه انا واقف تحت البيت وحشتيييييييني
الام:مين دي اللي وحشتك يا ولا اوعي هتكون هتتجوز من ورانا
امشير:جواز اية يا اما هو انا حيلتي حاجة غير التوكتك وحنجرتي الذهبية
ايمن:لسه داخل طب سمعنا حاجة يا ابو الحنجرة الذهبية
امشير بلاش تتريق والنبي اتكلم علي ادك
الام؛احترم اخوك الكبير يا امشير استاذ ايمن
امشير:هههههههههه بسخرية استااااذ وهو طالب في معهد الخدمة الاجتماعية
اومال لما يتخرج هتقوليله ايه يا سيادة اللوا
ايمن:يا تقل دمك يا بايخ
امشير:بكرة تشوف البايخ دا هيبقي ايه
ايمن:هتبقي ايه
امشير مطرب مهرحانات يا خفيف
ايمن:ههههههههه،طيب
امشير:اضحك اضحك بكرة تشوف
الام:وبعدين يا امشير يلا يا ولاد تعالوا ادغدوا
امشير .طبخلنا ايه يا حاجة
الام:محشي يا ولا
امشير :بس المحشي هيطخني وانا لازم احافظ علي رشاقتي اومال هغني ازاي
الام..اللي هيطخن مخك يا امشير يا تعالي كل
امشير:امممممممم لذيذ احلي محشي بكله من ايدك يا امه
الام:بالهنا يا حبيبي
ايمن:وانت بقا مين اللي هيكتبلك اغانيك
فاطمة قاطعته:بعععععععجر(بسخرية)
ايمن:بعجر السمكري يلا علي خيرة الله
امشير:ايه خلصته تريقه بكرة تسمعوني وانا مكسر السوق
ايمن:يا بني بعجر دا هيوديك في داهية
امشير :انت سمعت الكلمات بتاعته اللي كتبها
ايمن :لا سمعني
امشير:اسم الاغنية
زعابيب امشير
ايمن،فاطمة،في وقت واحد ااااايه
زعابيب ايه ودي اغنية ولا طابخة
امشير:يا خفة دمكوا
ايمن:طب متزعلش قول يا فنان
امشير:زعابيب امشير رايحة ومش جاييا
الام:خلاااااص يا امشير اسكت يا بني
نصيحة من امك يمكن مبعرفش اقرا ولا اكتب بس بفهم وبحس يا بني
سيبك من الجو دا وغنا وتقليد وفلوسهتيجي من غير تعب
الفلوس اللي بجد اللي الواحد بيشقا بيها يا بني ساعتها بيحس بيقمتها
وربنا بيبارك فيها حتي لو قليله
اسمع كلام امك يا امشير
امشير:امممممممم فصلتيني من مودي يا اما والله انا لو مكملتش في طريق الغنا دا
عارفة هيجرالي ايه
الام:ايه يا بني
امشير..هكتئب واشرب بانجو
الام:لا يا بني غني براحتك انا نصحتك وانت حر..
التليفون رن
امشير: الو يا بعجر
بعجر:تعالالي يا فنان الكلمات جاهزة
بس انما ايه حاجة كدا معتبره..
يتبع في الجزء الثاني
