احنا مجموعة اصحاب كنا مع بعض من الحضانة ودلوقتي وصلناللصف الثالث الاعدادي
انا مروان عمري ١٥سنة بحب الرسم ونفسي اكون رسام والعالم كله يشوف رسمي
ماما بتشجعني دايما وانا بصراحة مبعرفش ارسم الا بتشجيع مامتي ليا
من غير دعمها بلاقي نفسي معنديش الرغبة ولا الحافز اللي يخلليني ارسم
رسوماتي كتير اوي بس !
انا حاليا في المستشفي بتعالج ومفيش حاجة بتصبرني الا الرسم
موهبتي الجميلة دي هي الحاجة الوحيدة اللي بتخليني اقضي وقتي من غيرها كنت هشعر بالملل
لاني بقضي وقت طويل وانا لوحدي وفجأة وقع القلم من ايدي
اممممم ما انا كنت حاااااسس.
محمد وياسين وسيف مرت شهور كتير من غير ما نشوف صديقنا مروان احنا في الترم التاني وهو محضرش الامتحان في الترم الاول بجد واحشنا ولازم نروح نشوفه
ياسين:ايه رأيك نقترح الفكرة دي علي مس احلام
محمد:فكرة حلوة ومس احلام طيبة وبتفهمنا
سيف:انا معاكوا طبعا ونكلم مستر عماد
ياسين:مستر عماد طيب بس عصبي وممكن يرفض
سيف:لا طبعا لا يمكن يرفض احنا هنعمل واجب ونزور صاحبنا
محمد:مين اللي هيقوله الفكرة دي
سيف:احنا نقول لمس احلام وبعدها نقولة
ياسين:خلاص اتفقنا
محمد:مس احلام حصتنا بعد الفسحة نكلمها ونعرف رأيها
جاءت حصة مس احلام وهم ينتظرون مجئيها
ياسين ومحمد وسيف في صوت واحد يامس عاوزين نقولك حاجة مهمة
مس احلام ياريت واحد بس اللي يتكلم علشان افهم
ياسين انا هقولك يا مس
احنا اتفقنا نزور صاحبنا مروان في المستشفي بقالوا فترة كبيرة محضرش
مس احلام:بس المستشفي في القاهرة
سيف :عادي يا مس احنا محوشين من مصروفنا
محمد:انا كمان يا مس هجبله هديه
مس احلام:بارك الله فيكم
انتوا خير دليل علي الصحبة الصالحة
خلاص نتفق مع السواق يودينا ويجبنا ونشوف التكلفة كام
ياسين:ايا كانت التكلفة يا مس هندفع دا مروان صديقنا
وبابا هيدفعلي المبلغ المطلوب هو وعدني بكده وقاليشوف المبلغ اد ايه وانا هدفعه
وكمان قالي انه فخور بيا
لاني فكرت اعمل حاجة كويسة وازور صاحبي
مس احلام :خلاص اتفقنا جهزوا نفسكوا هبعتلكوا رساله علي جروب الواتس اب
ونشوف هنروح امتي
ياسين ومحمد وسيف ومروان اصدقاء من الصغر
اكتر حاجة مؤلمة انهم كانوا مع بعض وفجأة لاقوا واحد من اصدقاءهم مش موجود
بينهم
افضل شيء في الدنيا الصداقة ،ممكن تلاقي صديق في دراستك او حتي اخوك هو صديقك
اللي يرشدك للصح
ياسين:انا بابايا صديقي وهو اللي بيرشدني في كل حاجة
سيف:انا بقا صديقتي هي جدتي هي اغلي عندي من اي حاحة في الدنيا
محمد:انا صديقتي اختي الكبيرة دي بقا مامتي وصاحبتي واختي
وحنينة عليا وبتسمعني لما بكون مضايق وبلاقي نفسي بعد ثواني مودي اتغير
بجد ربنا يخليهالي بعد وفاة ماما هي بقت مامتي وكل حاجة في حياتي
ياسين وسيف في صوت واحد
ربنا يخليهالك يارب وبعدين انت نسيتنا يا عم هو احنا مش صحابك
محمد:انتوا صحابي طبعا ربنا يخليكوا ليا
ياسين وسيف:ربنا يخلينا لبعض
مس احلام حددت الميعاد يوم السبت لزيارة مستشفي٥٧٣٥٧
ياسين ومحمد وسيف واحنا كمان نجهز الهدايا اللي هنجبها لصاحبنا
مروان
جاءيوم الزيارة وقام الاصدقاء الثلاثة بتجهيز نفسهم من الساعة٧صباحا
واحضروا معهم الهدايا
وتوجهوا الي مكان وجود السيارة امام بوابة المدرسة ،استغرق الوقت حوالي ثلاثة ساعات ونصف
الي ان وصلوا الي المستشفي ودخلت مس احلام في المقدمة لتسأل عن
مروان ورقم غرفته ولكن سمعت خبر محزن
قالت الممرضة مروان حامد توفي امبارح
سمع الاصدقاء الثلاثة الخبر وكأنهم لم يصدقوا وقالوا بصوت حزين
مروان طالب الصف الثالث صاحبنا
الممرضة:اه مروان اللي من دمياط
سمع الاصدقاء الثلاثة رد الممرضة وظلوا في حالة صمت غريب
قامت مس احلام بتهدئتهم ومحاولة السيطرة علي الموقف بحكمة
وبطيبة قلبها قالت لهم ايه رايكوا توزعوا الهدايا دي علي الاطفال الصغيرين في السن
نظر الاصدقاء الثلاثة لبعضهم وهم مازالوا غير مستوعبين بان مروان
توفي وبعد ثواني قام الاصدقاء وطلبوا من الممرضة ان يروا غرفة مروان بالمستشفي
قالت الممرضة:مقدرش لكن دكتور سعد هو صاحب الكلمة
اتكلموا معاه
تعالوا معايا وانا هعرفكوا طريق المكتب
ذهب الاصدقاء الثلاثة ومعهم مس احلام التي بمثابة الام معهم
وتوجهوا الي غرفة دسعد حيث وافق علي طلبهم ايضا قرروا اعطاء الهدايا
للمرضي الاطفال وقالوا بصوت واحد احنا عاوزين نتبرع بمبلغ باسم صاحبنا
مروان هنا في المستشفي
د سعد ممكن تعملوا جناح باسمه وتتبرعوا في اي وقت باي مبلغ
دهشت مس احلام بكلام الاصدقاء الثلاثة الامر الذي جعلها تبكي
ثم اخذت الاصدقاء الثلاثةومعهم الممرضة لرؤية الغرفة وتوزيع الهدايا
انها الصحبة الصالحة والتربية الايجابية
