الجزء الثاني
امشير ..خير يا بعجر خلصت كلمات الاغنية
بعجر :زعابيب امشير
امشير:ما انا عرفت يا فنان كمل الكلمات
وبصوت مسموع والله ربنا يستر مش مطمن زعابيب امشير
شكلي كدا هغرق نفسي
بعجر:انت بطمرطم بتقول ايه يا امشر
امشير:بقول شكلي هغرق يا بعجر
بعجر: متقلقش طول ما بعجر جمبك
امشير:سمعني يا فنان
بعجر:زعابيب امشير
امشير:هااااااا
بعجر:زعابيب امشير رايحة ومش جايية
وحبي ليكي كان غلطة
بعتيني
ونسيتي مشاعري ليكي
واجريتي ومشيتي
دورتي علي حب تاني
وحبك طلع أناني
انا همشي ومش هرجعلك تاني
وعمري ما هبص ورايا
وحياتي ادامي
وانتي انتهيتي وخرجتي من حياتي
وهبدأها مع حد تاني
وحب مش اناني
أمشير:حلوة يا فنان
بس زعابيب امشير دي ملهاش لازمة في الاغنية
بعجر:ملهاش لازمة بسخرية
دا فن يا امشير ودي جملة اساسية هتعرف الناس عليك
دا اسمك يا فنان المهرجانات القادم
امشير: خلاص خلاص اللي تشوفه يا فنان
ومين اللي هيلحن الاغنية
بعجر:الواد زلطة موهوب في التلحين
جامد اخر حاجة هتصلك عليه ونتقابل ع الكافيه بالليل
امشير:تمام اتفق معاه وبلغني بالميعاد
بعجر:اتفقنا يا نجم المهرجانات الشعبية
امشير:نجم المهرجانات يااااااا ريت(بتمني)
بعجر:اعتمد عليا بس وهوصلك للمجد
امشير:اديني معتمد عليك لما نشوف اخرتها ايه
بعجر:اخرتها الشهرة والموني يا فنان
امشير:يا ريت
نفسي بقا اوصل واحقق حلمي اشمعني اللي وصلوا دول هما صوتهم احسن مني في ايه
بعجر:انت صوتك حلو يا امشير واكيد هتوصل
امشير:ياريت يا بعجر بس هوصل ازاي
بعجر:دي اول خطوة في طريق الشهرة والمجد
امشير:تمام همشي انا بقا وعرفني الميعاد
بعجر:تمام يا فنان
امشير…يتخيل نفسه وهو بيغني
ياااااااه لو وصلت واتعرفت والعالم كله شاور عليا
الفنان امشير اهو تعالوا نسلم عليه ونتصور
يا سلام …ايه الاحلام دي
احلام امشير
اتصل ببعجر يخلي اسم الاغنية احلام امشير احسن من زعابيب
امشير
الو بعجر
بعجر:ايه يا فناااان
امشير: متغير اسم الاغنية لاحلام امشير
بعجر:احلام امشير والناس يعني هتحب احلامك في ايه
زعابيب امشير احسن وملفته اكتر
بقولك ايه انا قولتلك اعتمد عليا
وانا بعون الله هوصلك لباب المجد
امشير:بهمس يا خوفي لتوصلني لباب الشارع
بعجر:انت بتقول ايه يا فنان
امشير:بقول يارب اوصل لباب المجد
بعجر:ان شاء الله يا فنان فنان هتوصل
امشير يسير في طريقه وهو يتخيل الشهرة وعالم الغناء
الحلم الذي راوده منذ صغره
رن التليفون
امشير :الو ازيك يا زلطة اخبارك ايه
زلطة:بعجر رن عليا بخصوص اغنيتك الجديدة مبروك يا فنان
امشير:الله يبارك فيك
زلطة ميعادنا بعد ساعتين اكون خلصت شغلي
امشير:تمام انا برضو عندي مشوار هعمله واجيلكوا ع الكافيه
سلام
زلطة…بقا الواد امشير عاوز يغني (يشعر بالغيرة)ويتغني ويكسب
وانا اللي هوصله بالحاني للمجد
دا بعده ..هو سواق توكتوك ماله ومال الغنا
ومفكر نفسه هيبقي نجم مهرجانات كمان
الواد ده لازم يغرق في بدايته وميقوملوش اومة
اااه ما هو لو نجح من اول مرة هيتنمرد علينا ومحدش هيعرف يكلمه
وخصوصا انه شايف نفسه علينا من دلوقتي اومال لو اشهر وجابوه في البرامج
وطلع في واحد من الناس هعمل انا ايه اكل في نفسي من الحسرة
ااااه ماشي يا سي امشير هعملك لحن انما ايه يقضي علي بداية مشوارك
الفني وساعتها ابقا قول زلطة هو السبب
بعجر:الو امشير يلا يا فنان انا قاعد اهو في الكافيه.
هرن علي زلطة يجي يلا سلام
امشير: سلام
بعجر:الو يا زلطة تعالالي ع الكافيه
زلطة:ماشي يا فنان في السكة
زلطة….مش عارف ايه شلة الفنانين دول هو الفن ناقص معاتيه
زلطة:اهلا يا بعجر
بعجر:اهلا يا زلطة عندي ليك كلمات انما ايه بنات افكاري
زلطة:بنات افكار ايه
بعجر:بنات افكاري يعني من تأليفي
زلطة:ماشي سمعني بناتك
بعجر:انا عاوز لحن يكسر الدنيا
وتوزيع كمان يكون حاجة كدا معتبرة
زلطة:عندك عجوة ومقلايه روحلهم عندهم استديو وبيوزعوا ويسجلوا
كل اغاني الهجص
بعجر:لاء عندي بقا مفيش هجص دي كلمات معتبرة وهتكسر الدنيا بس اللحن
زلطة:يا عم بعجر الصوت اهم من اللحن
بعجر:لاء يا عم الملحن يخربيت دماغك دي
الاغنية مكونه من مثلث كلمات والحان وصوت ولو نجحوا التلاته اكتملت اركان الاغنية
ونجحت ولو فيهم حاجة وقعت يبقا خلاص بقا هترحم علي امشير
زلطة:ااااامين
بعجر:يا ساتر علي قلبك الاسود
انت لسه شايل منه يا واد امشير طيب وميعرفش يشيل من حد
واهو جابك تلحنله اولي اغنياته
زلطة:اولي اغنياته(بسخرية ممزوجة بالحقد)
ان شاء الله والاخيرة
بعجر:اصفي نيتك ولحن الاغنية وسمعني يا معلم
زلطة:قول يا مؤلف قول
بعجر:بطل نبرة السخرية دي بقا ياد?
واصفي النيه هو انت هتلحن ببلاش ما انت هتلف باكو
زلطة:ايه
هو الباكو ده فلوس
بعجر:دي البداية يا طماع
بكرة امشير هنغنغك
زلطة:اه
قول الكلمات……زعابيب امشير رايحة ومش جاية
وحبي ليكي كان غلطة…..الي اخر الاغنية
زلطة:زعابيب امشير دي لزمتها ايه
نبدأ ب حبي ليكي كاااااان غلطة
بعجر:ماشي بس دي اسم الاغنية
اهو امشير جه اهو
امشير:ازيك يا عم التلحين
زلطة:ازيك يا فنان
امشير :ايه سمعت الكلمات
زلطة:اه سمعتها وهحذف جملة زعابيب امشير دي
امشير: لا سبها
نبدأ بيها ونقول زعابيب امشير
ورايحة ومش جايةي شلها خالص من الاغنية
زلطة:ماشي
ها استلمها منك امته النهاردة باذن الله اول ما لحنها
بس اديني كده عربون
أمشير: اممم ماشي ادي٣٠٠ج واول ما تخلص ليك زيهم
زلطة:لا يا عم انا متفق علي باكو
امشير : ايه يا بعجر
بعجر:ماشي يا فنان هدفعله انا الباقي
امشير:لا فييس
يا عم هديلك الباكو
بس خلص
شكلك هتغرقني
زلطة:بتقول ايه يا عم انت هتجرب ألحاني وهتشوف
امشير:يا خوفي من التجربة دي
قلبي مش مطمن والله
امشير:باين كلام ايمن اخويا هيطلع صح
الواد بعجر وزلطة دول عرة الصحاب هيغرقوني وبدل ما اطلع سلم المجد
هنزل سلم البدرون بدل(م)ن
طيب انا ماشي واول ما الاغنية تجهز كلموني..سلام
يفكر امشير.وهو في طريقه للبيت…يارب نفسي اغني واشهر واعمل اعلانات صابون ولا مسحوق غسيل ان شا الله سمنه ما الكينج عمل اعلان سمنه وماله برضو الموني ريحتها حلوة بدفي الجيوب
سلاااااام يا ام الفنان
الام:ازيك يا ولا
كنت فين من الصبح
امشير:كنت مع الكاتب والملحن
الام:كاتب وملحن ايه يا ولا انت الغنا لحس مخك
امشير:ما يلحس يا اما مخي انا بحب الغنا وبكرة هجبلك شقة فخمة ونبعد بقا عن جو الحارة دا
الام :ماله جو الحارة يا امشير(بعصبية)الحارة دي اللي لاماك
امشير:يا اما اهدي وماله لما نقب علي وش الدنيا وريحك من الشغل والعقدة ع الرصيف تستني الكام ملطوش تمن حتة الجبنة ولا البيض اللي بتبعيهم
هي دي فلوس يا اما دي متأكلش قطة
الام:عيب يا امشير الكام ملطوش دول هما اللي فتحين البيت ومنكرش انك بتساعدني في مصاريف اخواتك …انت راجل من صغرك يا بني بس بلاش تتبطر علي نعمة ربنا
امشير:يا اما مش بتبطر ولا حاجة
انا عاوز اغني حلمي ابقا نجم مهرجانات واطلع في الاعلانات وتشوفيني في التليفزيون
الام:ما انا بشوفك ادامي يا ولا احسن من١٠٠تليفزيون
تعالي يا امشير يا حبيبي اقعد جمبي ….انا خايفة عليك يا بني من السكة دي
امشير:ليه(باستغراب)هو انا بقولك هتاجر في السلاح
الام:اعوذ بالله …انت تعبت قلبي
غني يا امشير واعمل اللي انت عايزة
امشير:بس كده عنيا
قرقشندي دبح كبشووووو.يا محلي مرة لحم كبشووو
فركش عكشووو..طنش الشووووووو
الام:هههههه من صغرك وانت دمك خفيف يا امشير ربنا يحظك يا ابني
امشير:نفسي يا اما تقوليلي يعني ايه يحظك لاحسن الدعوة بتقلب معايا بالعكس
الام:يعني تسعد وربنا يكتبلك الحظ في كل اللي بتتمناه
امشير:يااااارب يا امه اتحظ في الغنا
الام:انت اتعشيت
امشير:لا
الام:طب هجهزلك حاجة تاكلها
امشير:لا اصلي عامل دايت
الام:عامل ايه يا ولاه
امشير:دااااايت يا اما
الام:ودا يطلع ايه
امشير:يا اما يعني عامل رجيم
بحافظ علي وزني عشان اعرف اغني لو ممكن كوباية يانسون
الام:لاء معنديش تصبح علي خير
امشير:وانتي من اهله يا وزة
امشير….وانا ادخل انام واحلم احلام سعيدة باني واقف اغني علي الاستيدج
يااااااه
تاني يوم الصبح
يااااااه كان حلم جميل اوي يارب يتحقق
فاطمة:تصبح علي خير يا امشير
سمعاك بتقول حلم جميل
حلمت بايه احكيلي
امشير:خير الله ما اجعله خير حلمت كدا حلم اني عامل دويتو مع فنان مشهور
وانا بلالي والجمهور بيسقفلي
ايمن:ومين الفنان المشهور دا بقا
امشير:مش هتصدقوا
ايمن:لا نصدق بس قول
امشير:الفنان محمد.عدويه
فاطمة:ههههه عدوية مرة واحدة
امشير:لاء مرتين يا خفة
الام:يا بني دا حلم
يلا تعالوا افطروا يا ولاد وكل واحد يفوق ويشوف مصلحته
امشير: الغنا دا هو المصلحة يا اما النهاردة عندي ليكو خبر حلو
ايمن:قووول
فاطمة:قول قول
امشير:هسمعكوا اللحن النهاردة
ايمن:ومين الملحن
امشير:زلطة
ايمن:بزمتك في ملحن اسمه زلطة
دا غير بعجر
دي كملت
امشير….بهمس والله عنده حق بعجر وزلطة دول اسامي
ايمن:يعني الكلمات تأليف بعجر
واللحن..زلطة
فاطمة:غنااااء امشير
امشير: ادعولي انتوا
الام:يلا يا امشير افطر وروح شوف اكل عيشك
امشير:حااااضر يا اما حاضر…
الموبايل رن
امشير…الو الو اهلا يا بعجر
بعجر..اللحن جاهز يا فنان
ايه جاهز تسجله النهاردة
امشير:طبعا يا معلم
بعجر:تعالي نروح استوديو عجوة ومقلاية
امشير جايلك في السكة
سلااام
امشير…كملت بعجوة ومقلاية
لما اروح اسمع اللحن
……..مرحبتين يا بعجر
بعجر شوف بقا الاغنية دي لو مكسرتش الدنيا ابقي تف في وشي
امشير:هيحصل
بعجر:ايه
امشير:بهزر سمعني يلا
بعجر..اطلع يا زلطة بالفن كله
تم سماع اللحن……
امشير:حلوة اوي يا ياد يا زلطة
زلطة:متقلش ياد دي
امشير:ماشي يا عم زلطة
شاطر اللحن عجبني
اسمع كده ………
يلا نسجلها في استوديو عجوة ومقلاية
بعجر:انت عملت قناة ع اليوتيوب
امشير:لسه
طب هات موبايلك اعملك ايميل وظبطلك القناة
امشير:يعني لازم يوتيوب
بعجر:لازم يا فنان علشان الشهرة والانتشار
كمان هنعمل علي التيك توك
ومبروك المجد يا فنان
امشير:يلا نسجل الاغنية الاول وبعدها لازم حقوق الملكية
لاحسن تتسرق
بعجر:متقلقش انا عامل حسابي
تم تسجيل الاغنية
ونشرها علي قناة اليوتيوب والتيك توك
زلطة…..كل دي مشاهدة مليون و٢٠٠الف يا ابن المحظوظة يا امشير
يكمل الجزء الثالث
