الهانم :
شغلة العرافة دي متعبة اوي بس علي اد تعبها دا فلوسها حلوة
واكلها حلو اه ماانا لازم اكل كويس علشان اقدر الف ع الشواطيء واتكلم كويس
عشان اعرف اقنع الناس بقدراتي الخارقة في قراءة الطالع
ووشوشة الودع
ابين زيين ابين ووشوش الودع
توشوش الودع يا بيه
الرجل..لا
والنبي يا بيه هقرالكالطالع وهتعرف مين حبيبك ومين عدوك
ووعيك وكل دا باي حاجة اللي تقدر عليه تدفعه يا بيه
الرجل ..تعالي لو فرحتي قلبي هرضيكي
العرافة..والنبي يا بيه هفرحك وهتسعد
وريني كدا كفك يا بيه
الرجل..بتقري كمان الكف
العرافة اومال ايه يا بيه
وريني ياااااه يا بيه دا انت شايل كتير
هم وغم وقلق وتعب بس افرح يا بيه ادامك سكة واسعه كلها خير ورزق
وجواز
الرجل..ايه جواز (بفرحة)
اصل الوليه ام العيال قرفاني يعني بجد جواز
من مين
العرافة ..واحدة انت تعرفها كويس
الراجل ..كلامك حلو وعاجبني هتاخدي كام
العرافة ..اللي تدفعه يا بيه
الراجل..ادي ١٠٠ج مش خسارة فيكي
العرافة..تسلم تسلم يا بيه دا انت كريم اوي ربنا يهنيك
ابين زيين ابين
ووشوش الودع
توشوشي يا هانم
الهانم…اممم تعالي
الله يا هانم دا انتي ما شيه في سكة كلها هنا وسرور
وفي واحد بيحبك وواحدة بتغير منك
الهانم..ااااه لازم اللي ما تتسما سماح
العرافة… إيوة يا هانم هي دي بتكرهك ويتحقد عليك
الهانم دا انتي طلعتي بتعرفي اهو
انتي بتيجي بس الشواطيء
العرافة وجيلك لحد البيت يا ست هانم
لو تحبي اجيلك في الحال
الهانم دا عنواني انا تاجرة ملابس حريمي وعايزاكي تيجلي في المحل
ضروري عندي شوية مشاكل كدا هشوف هتعرفي تحليها ولا ايه
العرافة ..احلها يا هانم أومااال إيه
دا انا زنوبة العرافة اعرف الطالع ووشوش الودع
الهانم اتفضلي
العرافة …يا حلاوة ورقة٢٠٠ج
ايه دا كله دا أااااني هجيلك مطرح متكوني يا ست هانم
الهانم هستناكي
العرافة سلام يا ست الهوانم
ابين زيين ابين ووشوش الودع
توشوش يا بيه
الرجل ..امشي يا ست كذب المنجمون ولو صدقوا
العرافة..اف علي دا راجل
فين خفاف العقل اللي بنسترزق من وراهم
اهو لولا شويتن الكلام اللي حفظاهم مكنتش كسبت مليم
واحد من ورااا دي شغلانة
اااه اما قعد شوية استريح واكل لقمتين ورجع الف من تاني علي خفاف العقول
والله الناس هنا في راس البر حلوين اوي وبعرف اضحك عليهم
اااه الست اللي هناك دي بتبص عليا كدا ليه كأنها قارية دماغي
وفاهماني وانا يعني إتهبلت اروح اسالها دي منقبة
وباين عليها فهماني كويس وكأنها بتقولي انتي نصابة
وبتضحكي ع الناس
وانا مالي هما اللي عايزن كدا ،وانا بفرض نفسي عليهم ولا بشحت منهم
الواحد منهم عايز يسمع كلمتين حلوين الراجل الكبير اول ما اقوله
ادامك طريق فرح وزغاريط يفرح ويظقطط والست تهلل وتبقا عايزة تديني كل اللي معاها في البك
واديني بلف ودور ووشوش الودع
دول سبوبة حلوة ورزقي عليهم حلو اوي والقاشية معدن
ابين زين ابين ووشوش الودع
ولولا الشويتين دول مكنتش اكلت البغاشة
واهي ماشية وبقلب رزقي
ابين زين ابين ووشوش الودع
