قولت أجرب
منة
ميار
نسرين
هدير
الا ب والد منه
والد هدير
الاخصائية الاجتماعية
المدير
منة ..احسن حاجة الواحدة تعمل اللي علي مزاجها
انا هشتري من مصروفي علبة سجاير وأجرب
يا سلام انا متخيلة نفسي وانا بدخن وبخرج الدخان كده من بمناخيري
يااااااه احساس لا يوصف
واوبجد
لما اشوف البنات صحابي هيشربوا معايا ولا هيطلعوا عالم فقريه
منة يا ميار يا نسرين يا هدير انا عزماكوا يا بنات
ميار..بجد انا نفسي اكول سوشي
نسرين وانا يا بت عايزة اكول كلماري
هدير : انا نفسي بقا اكل اممممممم فسيخ
منة…يا خربيت كرشكوا دا
فسيخ وسوشي وكلماري حد جاب سيرة اكل يا مفاجيع
نسرين مش انتي قولتي هتعزمينا
انتي بتشتغلينا
منه..بشتغلكوا ايه انا هعزمكوا علي سجاير
ميار سجاير يا خربيت دماغك
هدير ..دا انتي مصيبة
سجاير ايه
منه ..والله انتو مش كيفه دا احساس لا يوصف جربتو تخرجوا كده الدخان من مناخيركوا
نسرين هو دا اللي فارق معاكي
ميار..يخربيت مناخيرك دي
منه يعني مش هتشربوا معايا سجاير
طب جربوا والله ما هتندموا
هدير..انا هجرب معاكي يعني هخسر ايه
منه بس هنشربها في الحمام علشان محدش يحس بينا
هدير اتفقنا
منه جربي كدهه وخرجي نفس قوي
هدير…كحة بشكل هستري
منه ههههههه ضحك هستيري عليها
هدير يخربيت كده انتي تفكيرك شيطاني
منه ايه رايك بتعمل دماااااااغ واثناء تكملة الجملة دخلت عليهم الاخصائية الاجتماعية
بناء علي كلام وصالها من نسرين وميار وتم استدعاء اولياء الامور
جاء ابو منه وطاخ طاخ علي وشها وقعت البنت علي الارض واتجرحت في خدها
ابو هدير استغرب وقال فين المدير
دخل للمدير وقاله اعتقد التصرف دا غلط وكان الافضل
الاخصائية تتصرف بذكاء افضل من كده
واحنا هنعالج الامر بهدوء بدل الشوشرة دي وسمعة البنات
شايفين والد منه عمل ايه دا مصلحش الموقف دا دمر بنته وحطم نفسيتها ادام البنات
المدير ..طب اتفضل اقعد واحنا هنصلح الموقف
والد هدير بعد ايه بعد ما شوشرتوا علي بنتي وزميلتها
في حاجة اسمها مراعاة النفسية دول بني ادمين لازم رفق في التعامل مش ضري
وتجريح وكمان الاخصائية سمعتها ونا داخل بتشتمها بالفاظ خارجة
المدرسة بتبني مش بتهد يا حضرة المدير
المدير..طب استني نتفاهم
والد هدير خلص التفاهم
وياريت تكتب اجازة لهدير لحد ما اعرضها علي معالج سلوكي
وساعتها هتقدر ترجع وهي مرفوعة الراس
… والد هدير ..حضن بنته وطبطب عليها وقالها يلا يا هدير متخافيش يا حبيبتي
هدير.. بكت واتأسفت لوالدها وخرجت معاه
ونظرت علي صاحبتها. وهي مرمية في الارض وكانها بتقولها قومي دي غلطة ومش هتتكرر .
